Bu il Finlandiyanın paytaxtı Helsinkidə keçirilən müsabiqədə rekord sayda – 42 ölkə iştirak edib.
Final mərhələsinin nəticələri aşağıdakı kimidir:
| Yer | Ölkə | Xal |
| 1 | Serbiya | 268 |
| 2 | Ukrayna | 235 |
| 3 | Rusiya | 207 |
| 4 | Türkiyə | 163 |
| 5 | Bolqarıstan | 157 |
| 6 | Belarus | 145 |
| 7 | Yunanıstan | 139 |
| 8 | Ermənistan | 138 |
| 9 | Macarıstan | 128 |
| 10 | Moldova | 109 |
| 11 | Bosniya və Herseqovina | 106 |
| 12 | Gürcüstan | 97 |
| 13 | Rumıniya | 84 |
| 14 | Makedoniya | 73 |
| 15 | Sloveniya | 66 |
| 16 | Latviya | 54 |
| 17 | Finlandiya | 53 |
| 18 | İsveç | 51 |
| 19 | Almaniya | 49 |
| 20 | İspaniya | 43 |
| 21 | Litva | 28 |
| 22 | Fransa | 19 |
| 23 | Böyük Britaniya | 19 |
| 24 | İrlandiya | 5 |
Çernoqoriya ilə ittifaq dövlətinin dağılmasından sonra müstəqil ölkə kimi Serbiya müsabiqədə ilk dəfə çıxış edirdi.
Müvəffəqiyyətinin səbəbi haqda jurnalistlərin suallarına cavabında Şerifoviç «Molitva» («Dua») mahnısını yazan bəstəkar Vladimir Qraiçə təşəkkürünü bildirib.
«Bəstəkarlar yaxşı mahnılar yazmalıdırlar. Və onları sadəcə oxumaq lazımdır» - deyə serb müğənnisi bildirib.
Mahnının mahiyyətini müğənni belə izah edib: «Mən din adamıyam, xristianam. Amma mahnının özündə dini məna yoxdur. Bu, sadəcə «Məhəbbət duası» adlanır, amma onda adından başqa dini heç nə yoxdur. Məhəbbət mahnılar üçün həmişə əsas mövzudur, düşünürəm ki, bu, sevimli insana müraciətdir».
23 yaşlı Mariya Şerifoviç Serbiyada Kraquevats şəhərində peşəkar musiqiçilər ailəsində anadan olub. İlk dəfə tamaşaçılar qarşısına 12 yaşında çıxıb. Ciddi musiqi karyerası 2003-cü ildə başlayıb. O, «Ən, ən yaxşı» solo albomunu buraxıb. Bundan sonra Mariya Balkan regionu ölkələrində müxtəlif musiqi festivallarında iştirak edib, peşəkarların, jurnalistlər və tamaşaçıların rəğbətini qazanıb.
İlk «Eurovision» mahnı müsabiqəsi 1956-cı ildə İsveçrənin Luqano şəhərində keçirilib. Onda hər birindən iki ifaçı olmaqla yeddi ölkə iştirak edib. İlk müsabiqədə «Refrain» mahnısı ilə İsveçrədən olan Lis Eyşa qələbə qazanmışdı.
