Seçkiləri Beynəlxalq Müşahidə Missiyasının mayın 13-də yayılan birgə bəyanatında deyilir ki, «əvvəlki seçkilərlə müqayisədə 12 may parlament seçkilərində irəliləyiş olub və böyük ölçüdə beynəlxalq standartlara uyğun keçirilib, baxmayaraq ki, bəzi məsələlər həll olunmamış qalır».
5 faizlik baryeri 5 partiya aşıb: hakim Ermənistan Respublika Partiyası – 32,8 faiz, biznesmen Qaqik Tsarukyanın başçılıq etdiyi «Çiçəklənən Ermənistan» Partiyası – 14,7 faiz, «Daşnaksutyun» Partiyası -- 12,7 faiz, müxalif «Orinats Yerkir» Partiyası - 6,8 faiz və müxalif «İrs» Partiyası - 5,8 faiz.
Seçicilərin səsvermədə iştirakı 59.37 faiz təşkil edib.
Parlamentdə yer qazana bilməyən müxalifət partiyaları mayın 13-də etiraz aksiyası keçirib. Yerevanın mərkəzindəki nümayişə bir neçə min adan toplaşıb. Müxalifət deyir ki, seçkilər kütləvi qanun pozuntuları ilə müşayiət olunub.