Mayın 10-da Gəncədə ilk dəfə üzgüçülük üzrə Azərbaycan açıq birinciliyi keçirilir. Gəncə Olimpiya Kompleksinin rəhbəri Sahib Rzayevin sözlərinə görə, üzgüçülüyün müxtəlif növləri üzrə yarışa 6 komanda, 79 iştirakçı qatılıb. İştirakçılar arasında Azərbaycanı dünya çempionatlarında və olimpiya oyunlarında təmsil edən idmançılar var. Yarışda Gürcüstan idmançıları da iştirak edir.