Azərbaycan və Ermənistanın Xarici İşlər nazirləri ATƏT-in Minsk qrupu həmsədrləri ilə ayrı-ayrılıqda Strasburqda görüşəcəklər. Həmsədrlərin mayın 10-da Elmar Məmmədyarov, 11-də isə Vartan Oskanyanla danışıqlar aparacağı gözlənilir. Nazirlərin görüşü isə planlaşdırılmır.
Azərbaycan və Ermənistan XİN başçıları Strasburqda Avropa Şurası Nazirlər Komitəsinin 117-ci sessiyasında iştirak edəcəklər.
Mayın 10-da həmsədrlər ATƏT sədri ilə də görüşəcək.
Azərbaycan XİN rəhbəri həmsədrlərin mayın sonunda regiona səfərinin qüvvədə qaldığını bildirib.
