Fransada ultra-sağçı Milli Cəbhənin lideri Jan-Mari Le Pen öz tərəfdarlarını prezident seçkisinin mayın 6-na təyin olunan ikinci turunda iştirak etməməyə çağırıb.
Mayın 1-də Parisdə mitinqdə iştirak edən Le Pen deyib ki, onu dəstəkləyənlərə ikinci tura keçmiş nə mühafizəkar Nikola Sarkazi, nə də sosialist Seqolen Ruayala səs verməyi tövsiyə edə bilməz.
Aprelin 22-də seçkinin birinci turunda Le Penin özü 4-cü yeri tutub, o, səslərin təxminən 10,5 faizini toplayıb.