Prezident İlham Əliyev aprelin 27-də ATƏT-in Mətbuat Azadlığı üzrə nümayəndəsi Mikloş Haraştini qəbul edib.
«AzərTAc»ın məlumatına görə, Haraşti Azərbaycanda «Dözümlülüyün və qarşılıqlı anlaşmanın inkişafında kütləvi informasiya vasitələrinin rolu» mövzusunda beynəlxalq konfrans kimi tədbirlərin keçirilməsinin mühüm əhəmiyyət daşıdığını vurğulayıb. İlham Əliyev isə bu səpkidə beynəlxalq əhəmiyyətli konfransların keçirilməsi üçün Azərbaycanda lazımi şəraitin mövcud olduğunu bildirib.
Görüşdə Azərbaycanda kütləvi informasiya vasitələrinin fəaliyyəti, söz və mətbuat azadlığının təmin edilməsi sahəsində görülən işlər barədə fikir mübadiləsi aparılıb.