Bakıda böyrək transplantasiyası (köçürülməsi) aparılacaq. Bunun üçün hazırda Respublika Urologiya Xəstəxanasında təmir işləri gedir. Təmir bitən kimi işə başlanacaq.
Səhiyyə nazirinin müavini Elsevər Ağayev deyir ki, indiyə qədər ölkədə yalnız tək-tək hallarda böyrək köçürülməsi əməliyyatı aparılıb.
Hazırda böyrək çatışmazlığından əziyyət çəkən 600-ə qədər adam isə, dövlət vəsaiti hesabına hemodializ seansları alır.