Aprelin 23-də vəkili İsaxan Aşurov və valideynləri Bayıl təcridxanasında saxlanılan «Gündəlik Azərbaycan» və «Realnıy Azerbaydjan» qəzetlərinin baş redaktoru Eynulla Fətullayevlə görüşüblər. İsaxan Aşurov «Azadlıq» radiosuna bildirib ki, jurnalistin səhhətində heç bir problem yoxdur. Vəkil həmçinin deyib ki, məhkəmə qərarını alan kimi apellyasiya şikayəti verəcəklər.
Yasamal Rayon Məhkəməsinin qərarı ilə jurnalist Eynulla Fətullayev aprelin 20-də 2 il 6 ay azadlıqdan məhrum olunub və elə məhkəmə zalındaca həbs edilib.