Rusiyanın Müdafiə naziri Anatoli Serdyukov Avropada Amerikanın Raket Əleyhinə Müdafiə sistemi elementlərinin yerləşdirilməsini «sabitliyi pozan faktor» adlandırıb.
Serdyukov bunu Moskvada ABŞ-ın Müdafiə naziri Robert Qeytslə danışıqlardan sonra bəyan edib.
Pentaqon rəhbəri Rusiyaya ABŞ-ın müdafiə layihələrinin həyata keçirilməsində tərəfdaşlıq təklif edib. Qeyts qeyd edib ki, Avropada Amerikanın Raket Əleyhinə Müdafiə sistemi Rusiyaya qarşı yox, Yaxın Şərq və Cənub-Qərbi Asiyada «potensial təcavüzkarlara» qarşı yönələcək.
Aprelin 23-də Qeyts Rusiya prezidenti Vladimir Putinlə də görüşüb. Qərara alınıb ki, Avropada Amerikanın Raket Əleyhinə Müdafiə sisteminin yerləşdirilməsinə dair danışıqlar ekspertlər səviyyəsində davam etdirilsin.