Keçid linkləri

2024, 29 Mart, Cümə, Bakı vaxtı 01:23

«Müharibə Azərbaycanın yaratmağa çalışdığı hər şeyi dağıdacaq»


«ABŞ nizamlanmaya nail olmaq üçün Fransa və Rusiya ilə çox aktiv şəkildə işləyir»
«ABŞ nizamlanmaya nail olmaq üçün Fransa və Rusiya ilə çox aktiv şəkildə işləyir»
«Qarabağ münaqişəsinin dinc nizamlanmasına nail olmaq olduqca vacibdir. Müharibə Azərbaycanın yaratmağa çalışdığı hər şeyi tamamilə dağıdacaq». Bu barədə MDB-dən olan bir qrup jurnalistlə Vaşinqtonda keçirdiyi görüşdə ABŞ Dövlət katibinin köməkçisi Daniel Frid bildirib.
«Turan»ın məlumatına görə, Qarabağ münaqişəsinə dair fikirlərini davam etdirən Frid bildirib ki, ABŞ nizamlanmaya nail olmaq üçün Fransa və Rusiya ilə «çox aktiv» şəkildə işləyir. «Biz müəyyən uğura nail olmuşuq və cari ildə onu davam etdirməyə ümid edirik», - deyə o, əlavə edib.
Demokratiya sahəsindəki vəziyyətə toxunan Daniel Frid qeyd edib ki, Azərbaycan bu sahədə müəyyən irəliləyişə nail olub, lakin «bundan daha çox iş görmək lazımdır».
«Güclü ölkə güclü azad mətbuata və güclü müxalifətə, həmçinin güclü mərkəzi institutlara malik olmalıdır. Azərbaycan və Ermənistan bunun üçün bütün imkanlara malikdirlər, hərçənd onların iqtisadi imkanları tamamilə fərqlidir», - deyə Frid vurğulayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG