Ukraynanın Konstitusiya Məhkəməsinin beş üzvü Viktor Yuşşenkonun Ali Radanı buraxmaq haqqında sərəncamına baxmaqdan imtina edir. Onlar maraqlı siyasi qüvvələr tərəfindən təzyiqlərdən ehtiyatlanırlar.
Söhbət Konstitusiya Məhkəməsinin o hakimlərindən gedir ki, məhkəmənin tərkibinə ölkə başçının kvotası üzrə təyin olunublar.
Hakimlər məhkəmənin lazımi qaydada işi təmin olunmayınca, «Ukrayna üçün mühüm məsələnin müzakirəsində» iştirakı qeyri-mümkün sayırlar.
Bundan başqa, hakimlər onlara dövlət mühafizəsi verilməsi xahişi ilə hüquq-mühafizə orqanlarına müraciət ediblər.
Ali Radanın deputatları Ukraynanın Konstitusiya Məhkəməsinə parlamentin səlahiyyətlərinin vaxtından qabaq dayandırılması və növbədənkənar seçkilərin keçirilməsi haqqında prezident sərəncamının qanuniliyi barədə sorğu yollayıblar.
İşin baxılması aprelin 11-nə təyin olunub.
Ümumilikdə, Konstitusiya Məhkəməsinin tərkibinə 18 hakim daxildir. Məhkəmənin qərar qəbul edə bilməsi üçün iclasda 12 hakimin iştirakı yetərlidir.