Milli Məclis rəhbərliyinin qərarı ilə Azərbaycanın Avropa Şurası Parlament Assambleyasındakı (AŞ PA) nümayəndə heyətinin tərkibində dəyişiklik edilib.
Nümayəndə heyətinin rəhbəri Səməd Seyidovun APA-ya verdiyi məlumata görə, Müsavat Partiyasının nümayəndəsi İltizam Əkbərli nümayəndə heyətinin tərkibinə daxil edilib.
Bitərəfləri təmsil edən deputat Elmira Axundova isə AŞ PA-dakı nümayəndə heyətinin tərkibindən çıxarılıb.
Seyidov müxalifət partiyasını təmsil edən deputatın nümayəndə heyətinin tərkibinə daxil edilməsini «çox yaxşı hal» adlandırıb. O, Elmira Axundovanın tərkibdən çıxarılmasında da hər hansı problem görmədiyini deyib.