Türkiyə ordusu kürd separatçılarına qarşı iri əməliyyat aparır.
«Azadlıq» radiosu müxbirinin İstanbuldan verdiyi xəbərə əsasən, Türkiyə ordusunun 13 minlik qruplaşması kürd yaraqlılarının bazalarının yerləşdiyi ölkənin cənub-şərqində, İraqın şimalı ilə sərhəddə əməliyyata başlayıb.
Hərbi əməliyyatlar zamanı 13 kürd yaraqlısı öldürülüb, beş türk hərbçisi həlak olub. Əməliyyatlarda xüsusi təyinatlılar, vertolyotlar və aviasiya iştirak edir.
Aprelin 9-da Türkiyə hakimiyyəti İraq hökumətinə terrora müqavimət üçün qəti addımların atılmasının zəruriliyi haqda nota verib.
Yerli kütləvi informasiya vasitələri Türkiyə ordusunun İraqın şimalında da əməliyyat keçirməsi ehtimalını istisna etmir.