Aprelin 8-də Yaxın Şərqə səfərə gedən Azərbaycanın Xarici İşlər naziri Elmar Məmmədyarov aprelin 9-u iordaniyalı həmkarı Abdel İlah əl-Hatiblə danışıqlar aparacaq, sənədlər imzalayacaq.
Nazirliyin mətbuat katibi Xəzər İbrahimin verdiyi məlumata görə, aprelin 9-da nazir İordaniyanın Baş naziri Maaruf əl-Bəxt və Əmmanın meri Amur Əlmani ilə də görüşlər keçirəcək.
Aprelin 11-də nazir Suriyaya, 12-də isə Livana yola düşəcək. Görüşlər zamanı ikitərəfli münasibətlər müzakirə olunacaq. Elmar Məmmədyarov səfəri aprelin 13-də başa çatacaq.