Amerikanın «Apple» kompyuter şirkətinə qarşı araşdırma açılıb. Araşdırmanı Avropa Komissiyası başlayıb. Səbəb şirkətin internetdə satışa çıxardığı musiqilərdir. Komissiya iddia edir ki, «Apple» Avropa Birliyinin rəqabət qanunlarını pozub, iTunes veb-səhifələrdə musiqilər üçün qiyməti hər ölkəyə uyğun təyin edib. Komissiya onu da deyir ki, müştərilərə seçimdə də məhdudiyyət qoyulur. Onlar ancaq kredit kartları qeydiyyata alınmış ölkələrdə iTunes-dan musiqi ala bilərlər. «Apple» şirkəti isə fəaliyyətində hansısa nöqsana yol vermədiyini deyir.