Aprelin 4-də Səbail Rayon Məhkəməsində sabiq Səhiyyə naziri Əli İnsanovun YAP icra katibi Əli Əhmədova qarşı qaldırdığı iddia ilə bağlı hazırlıq iclası keçirilib. Məhkəmə prosesi aprelin 24-nə təyin edilib.
Əli İnsanov məhkəmə qərarı olmadan Əli Əhmədovun onu cinayətkar adlandırdığını, şərəf və ləyaqətini təhqir etdiyini iddia edir.
Əli Əhmədov isə sabiq Səhiyyə nazirinin iddiasını əsassız sayır. O, «Azadlıq» radiosuna bildirib ki, İnsanovu təhqir edəcək, yaxud şərəf və ləyaqətinə toxunacaq heç nə deməyib. Sadəcə, onun YAP haqda söylədiklərinə münasibət bildirib.