Aprelin 1-də Bakı-Astara yolunun 36-cı kilometrliyində Ucardan Bakıya hərəkət edən «Ford» markalı marşrut taksisində partlayış baş verib.
Bu barədə «Azadlıq» Radiosuna Daxili İşlər Nazirliyinin 38-ci polis bölməsinin növbətçisi məlumat verib. Növbətçi bildirib ki, marşrut taksisində 10 sərnişin olub və bir nəfərin əlində qumbara partlayıb. Nəticədə həmin adam ölüb, bir neçə nəfər isə xəsarət alıb. Xəsarət alanalar xəstəxanaya yerləşdirilib.
Partlayış mikroavtobus Yol Polisi İdarəsi postuna yaxınlaşarkən baş verib.
Faktla bağlı Qaradağ Rayon Polis İdarəsində istintaq aparılır.
