Yapon musiqiçiləri martın 30-da dünya rekordu vurublar – onlar gecə-gündüz 184 saat çalaraq ən uzun konsert veriblər.
Musiqiçilərin proqramı olduqca geniş olub, Bethovendən başlayaraq, «Bitlz»a qədər.
6-99 yaşında olan 900-dən çox musiqiçi bu marafonda növbə ilə çıxış edib, 9 gün bir-birinin ardınca çalıblar. Nömrələr arasında fasilə beş dəqiqəni ötməyib.
Əvvəlki ən uzun konsert rekordu beş il əvvəl Kanadada qeydə alınıb. O, 182 saat davam etmişdi.