«14-24»ün budəfəki qonağı əcnəbi və yerli tələbələri bir araya toplayıb Novruz bayramını qeyd edən «Bakı» Beynəlxalq Tələbə Klubunun sədri Aysəba Mirzəyevadır. Hindistandan gəlib Azərbaycanda təhsil alan və Novruzu bizimlə birgə qeyd edən Xəzər Universitetinin tələbəsi Şankar Caypol da verilişin qonağıdır. «Bakı» Beynəlxalq Tələbə Klubu «Novruz həftəsi» adlı bir layihə həyata keçirir.
Aysəba Mirzəyeva layihənin məqsədini belə izah edir: «Məqsəd əcnəbi tələbələri Novruz adət-ənənələri, milli mətbəxlə tanış etmək, həmçinin Azərbaycanı daha yaxından tanıtmaq, sevdirməkdir».