«Biz İlham Əliyevi hakimiyyətə gətirdik, ancaq o, hakimiyyətə gələn kimi, mənə kameranı göstərdi». Sabiq Səhiyyə naziri Əli İnsanov martın 19-da keçirilən məhkəmə prosesində belə deyib.
Sabiq Səhiyyə naziri Əli İnsanov 2005-ci ilin oktyabrında dövlət çevrilişinə cəhd və kütləvi ixtişaşda təqsirləndirilərək həbs edilib. Bu ilin fevralın 15-də o və Səhiyyə Nazirliyinin digər on əməkdaşı barədə Ağır Cinayətlərə Dair İşlər üzrə Məhkəmədə proses başlanıb. Onlar dövlət əmlakını mənimsəmədə və vəzifə səlahiyyətlərindən sui-istifadə etməkdə təqsirləndirilirlər.
İnsanovun dövlət çevrilişinə cəhd ittihamı isə digər icraatda birləşdirilib və hazırda istintaqı davam edir.
