Rusiyanın Xarici İşlər naziri Sergey Lavrov hesab edir ki, dünya siyasətinə ABŞ-ın təsiri azalır, Rusiyanınkı isə artır.
Martın 17-də Xarici və müdafiə siyasəti üzrə Şuranın iclasında çıxış edən Lavrov Vaşinqtonun «birtərəfli» siyasətini tənqid edib. Xüsusilə nazirin fikrincə, Avropada ABŞ-ın Hava Hücumundan Müdafiə Sisteminin yerləşdirilməsi Rusiya ilə NATO-nun münasibətlərinə ziyan vura bilər.
Eyni zamanda Sergey Lavrov bəyan edib ki, «soyuq müharibənin qayıtması» haqqında danışmağa əsas yoxdur. O, terrorçuluq və nüvə silahının yayılması ilə mübarizədə Rusiya-Amerika əməkdaşlığının vacib olduğunu deyib.
