İran prezidenti Mahmud Əhmədinejad ölkəsinə qarşı sanksiyalar məsələsinə baxılmazdan əvvəl BMT Təhlükəsizlik Şurasında çıxış edə biləcək.
Şura üzvləri İran liderinin xahişinə etiraz etməyiblər. Birləşmiş Ştatlar Mahmud Əhmədinejadın Nyu-Yorka gəlməsi üçün ona viza verəcəyinə işarə edib.
İran uran zənginləşdirməni dayandırmaq tələbini yerinə yetirmədiyinə görə Təhlükəsizlik Şurasında ona qarşı yeni sanksiyalarla bağlı səsvermə gözlənir.
Lakin səsvermənin nə vaxt keçiriləcəyi hələlik dəqiq bəlli deyil.