Martın 18-dən Gəncədə Belarus traktorlarının beş modelinin yığılmasına başlanacaq. Belarusun Azərbaycandakı səfiri Nikolay Patskeviç martın 17-də Gəncə Avtomobil Zavodunda olub və zavoda 60 traktor komplekti çatdırılıb.
Gəncə Avtomobil Zavodu hazırda Çinin «Çan-qan» şirkəti ilə müqavilə əsasında 6 modeldə kiçik və orta tonnajlı yük maşınları istehsal edir.
Bundan əvvəl isə müəssisə Rusiyanın «Oka» və «UAZ» avtomobil şirkətləri ilə də əməkdaşlıq edirdi. Onlarla müqavilə 2006-cı ilin əvvəllərində dayandırılıb.
