Enn Ders: «Medianın müstəqil fəaliyyət göstərməsi üçün xeyli çətinliklər var»

Azərbaycanda çoxlu sayda mətbuat orqanları, təşkilatlar olsa da, onların müstəqil şəkildə fəaliyyət göstərməsi üçün xeyli çətinliklər var. Bunu Amerika Birləşmiş Ştatlarının Azərbaycandakı səfiri Enn Ders deyib. Səfirin sözlərinə görə, müstəqil mətbuat maliyyə baxımından özünü saxlaya biləcək vəziyyətdə olmalıdır.

Xanım Ders bildirib ki, Dövlət Departamentinin insan haqları ilə bağlı hesabatında jurnalistlərin təzyiqlərə məruz qalması xüsusi qeyd edilir. O, deyib ki, Azərbaycan Konstitusiyasında insanların sərbəst toplaşmaq hüquqları olduğu bildirilsə də, bu hüquqlar məhdudlaşdırılır.