Keçid linkləri

2024, 29 Mart, Cümə, Bakı vaxtı 17:56

«Mənə qarşı bütün çıxışlar prezidentdən gəlir»


Əli İnsanov: «Mənim məsələm həll olunub, hökm verin çıxım gedim»
Əli İnsanov: «Mənim məsələm həll olunub, hökm verin çıxım gedim»

«Mənə qarşı bütün çıxışlar prezidentdən gəlir»- martın 12-də davam edən məhkəmə prosesində sabiq Səhiyyə naziri Əli İnsanov belə deyib. «YAP-ın İcraçı katibi Əli Əhmədov deyir ki, Əli İnsanov cinayətkardır və cəzalanmalıdır. O, YAP-da ikinci şəxs hesab olunur, eyni zamanda prezidentinin də ən yaxın adamıdır. Əgər o, belə şeylər danışırsa, deməli mənə qarşı bütün bu çıxışlar prezidentdən gəlir». Sabiq nazir belə olan təqdirdə məhkəməni davam etdirməyə lüzum görmədiyini bildirib: «Artıq aydındır ki, mənim məsələm həll olunub, onda mənə hökm verin çıxım gedim».


Budəfəki məhkəmə prosesində də Əli İnsanovun qaldırdığı vəsatətlər təmin olunmadı. O, keçmiş İqtisadi İnkişaf naziri Fərhad Əliyevin, Əmlak Komitəsinin sədri Kərəm Həsənovun, Prezident Aparatının şöbə müdiri Fatma Abdullazadənin və Tələbə Qəbulu üzrə Dövlət Komissiyasının sədri Məleykə Abbaszadə məhkəməyə şahid qismində çağırılmasını istəyirdi.


Əli İnsanov dövlət çevrilişinə cəhd ittihamıyla 2005-ci ilin oktyabrında həbs edilib. Amma sonradan bu ittiham başqa icraatda birləşdirilərək, cinayət işindən ayrılıb və ona bir qrup səhiyyə işçisilə əlbir olaraq dövlət əmlakını mənimsəmə, rüşvət alma və s. ittihamlar irəli sürülüb. 2007-ci il fevralın 15-dən Ağır Cinayətlərə Dair İşlər üzrə Məhkəmədə sabiq Səhiyyə naziri və daha 10 nəfərin məhkəməsi başlayıb. Sabiq nazir özünü siyasi məhbus hesab edir.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG