Vəkillər Kollegiyasına üzv olmaq üçün imtahan verən şəxslərdən 300 nəfər növbəti mərhələyə keçə bilib. 40-a yaxın namizəd isə Daxili İşlər Nazirliyi (DİN) orqanlarında işləmək üçün imtahanı uğurla verib. Martın 4-də Bakıda və Naxçıvanda test üsulu ilə keçirilən müsabiqənin birinci mərhələsinin nəticələrini Tələbə Qəbulu üzrə Dövlət Komissiyası (TQDK) açıqlayıb.
TQDK-dan verilən məlumata görə, Vəkillər Kollegiyasının üzvlüyünə keçirilən imtahanlarda 441 namizəd, DİN-ə işə qəbul üçün keçirilən imtahanlarda isə 72 namizəd iştirak edib. DİN-də vakant yerlərə imtahanlarda maksimal bal mümkün olan 100 baldan 65 bal, Vəkillər Kollegiyasının üzvlüyünə keçirilən müsabiqədə namizədlərə 50 bal toplamaq lazımdır. Bundan sonra iddiaçıları müsabiqənin ikinci mərhələsi gözləyir.
