«Azadlıq» bloku gələn həftə Azərbaycan Demokrat Partiyasının (ADP) sədri Rəsul Quliyevin mövqeyini müzakirə edəcək. «Trend» xəbər verir ki, bu barədə «Azadlıq» bloku Sədrlər Şurasının üzvü Lalə Şövkət bildirib.
Rəsul Quliyev «Azadlıq» bloku Sədrlər Şurasına məktub göndərib. O, blokun ADP ilə bağlı mövqeyinə yenidən baxılmasını istəyir. ADP Rəsul Quliyev və Sərdar Cəlaloğlunun tərəfdarlarından ibarət iki hissəyə parçalanıb. «Azadlıq» bloku ADP kimi Sərdar Cəlaloğlunun rəhbərlik etdiyi təşkilatı tanıyıb.