İslam İnqilabı Keşikçiləri Korpusunun baş komandanı bəyan edib ki, İraq hakimiyyəti sərhəd rayonundan yaraqlıları qovmasa, onun qüvvələri İraqdakı kürd üsyançılarına hücum edə bilər.
General Yahya Rahim Səfəvi həmçinin, ABŞ və İsraili İranda «terrorçuları» dəstəkləməkdə ittiham edib.
Bu bəyanatla o, Türkiyə sərhədində yaraqlılara qarşı əməliyyatda həlak olan 14 qvardiyaçının dəfnində çıxış edib.