İşgəncələr Əleyhinə Komitənin ekspertləri məhkəmə proseslərində iştirak edəcəklər

İşgəncələr Əleyhinə Komitənin ekspertləri bundan sonra məhkəmə proseslərində iştirak edəcəklər. Bu barədə «Azadlıq» radiosuna İşgəncələr Əleyhinə Komitənin rəhbəri Elçin Behbudov məlumat verib. Cənab Behbudovun sözlərinə görə, bu məsələylə bağlı razılıq fevralın 28-də Ali Məhkəmənin sədri Ramiz Rzayevlə görüşündə əldə edilib. Hüquq müdafiəçisi deyir ki, onlar məhkəmə istintaqında iştirak etməklə məhbuslara qarşı işgəncə hallarının olub-olmamasını daha yaxından araşdırmaq istəyirlər.