Bazar ertəsi futbol üzrə ölkə kubokunun 1/4 final mərhələsinin ilk oyunlarından ikisi keçirilib. «Bakı» Tofiq Bəhramov adına Respublika stadionunda «Xəzər-Lənkəran»a 0:2 hesabıyla uduzub. Sumqayıtda keçirilən «Gənclərbirliyi»–«İnter» oyununda da eyni hesab qeydə alınıb. Meydan sahibləri rəqibə müqavimət göstərə bilməyib. Bu gün isə ölkə kubokunun «Neftçi»–«Turan» və «MKT-Araz»–«Karvan» oyunları keçiriləcək.