O, kitabında edam olunmuş keçmiş diktatorun çoxlu sirlərini açıqlayacağını vəd edir.
Hüquqşünas Xəlil əl-Duleymi kitabına Səddam Hüseynin qələmindən çıxan 200-dən çox məktub, şer və başqa əsərləri daxil etmək niyyətindədir. Müəllifin bildirdiyinə görə, toplanan material 500 səhifəlik kitaba bəs edər.
Əl-Duleymi həmçinin, Bağdadın süqutu, Səddam Hüseynin həbsi və onun məhbəsdə üçillik həyatı barədə əvvəllər məlum olmayan informasiyaları açıqlayacağına söz verir. Məlumatı Rusiyanın ITAR-TASS agentliyi yayıb.
Keçmiş İraq lideri dekabrın 30-da edam olunub, İraq məhkəməsi onu bəşəriyyətə qarşı cinayətlərə görə ölümə məhkum etmişdi.
