Hazırda dünyada işsizlərin ümumi sayı 195 milyon nəfərdir BMT-nin Sosial İnkişaf üzrə Komissiyasının ekspertlərinin məlumatına görə, 2006-cı ildə dünyada işsizlik səviyyəsi 6,3 faiz təşkil edib. 2005-ci ildə isə bu rəqəm 6 faizi ötmürdü.
Maraqlıdır ki, işsizlərin sayının çoxalması dünya iqtisadiyyatının artımı (son 11 ildə 3,8 faiz) və əməkçi insanların ümumi sayının 16,5 faiz yüksəlməsi fonunda baş verib.
Dünyada işsizlərin təxminən yarısını gənclər – 15-24 yaşlılar təşkil edir, baxmayaraq ki, əməkqabiliyyətli insanlar arasında onların payı 25 faizi keçmir.
