Məhəmməd Peyğəmbərin karikaturalarını nəşr edən jurnalın məhkəməsi başladı

Parisdə fransız dilində nəşr olunan «Şarli Ebdo» satirik jurnalının məhkəmə prosesi başlayıb. Jurnal Danimarka qəzetlərində çıxan Məhəmməd Peyğəmbərin karikaturalarını yenidən öz səhifələrində çap etmişdi.

Fransanın yerli müsəlman icmasının nümayəndələri jurnalı dini ədavəti qızışdırmaqda ittiham edirlər.

İlk dəfə 2005-ci ilin sentyabrında Danimarkada nəşr olunan karikaturalar bütün dünyada müsəlmanların etiraz aksiyalarına səbəb olmuşdu.