Böyük Britaniyanın Baş naziri Toni Bler deyib ki, heç kim İrana qarşı hərbi güc tətbiq etməyi planlaşdırmır. Lakin İranın yeritdiyi siyasət beynəlxalq aləmdə qorxu yaradır.
Toni Bler bunu parlament komitəsində çıxış edərkən deyib. O, həmçinin qeyd edib ki, əgər İran siyasətini dəyişsə, bu onun üçün faydalı ola bilər.
Qərb İranı gizlicə nüvə silahı proqramı üzərində işləməkdə təqsirləndirir. Lakin İran bunu inkar edir.