Ermənistan Futbol Federasiyasının icraçı direktoru Armen Minasyan «Novosti Armeniya» Agentliyinə açıqlamasında UEFA-nın Azərbaycan və Ermənistan yığmalarının oyunlarına dair fevralın ortalarında verəcəyi qərarın ilkin qərar olacağını və sonradan üçtərəfli danışıqlarda bir daha razılaşdırılacağını bildirib. Onun dediyinə görə, yalnız həmin vaxt oyunların keçiriləcəyi yer bəlli olacaq.
Yeri gəlmişkən, bu mübahisəli məsələnin fevralın 7-də UEFA İcraiyyə Komitəsinin iclasında müzakirə olunacağı da istisna olunmur.