Bağdadda yüksək vəzifəli şəxs və 5 məktəbli öldürülüb

Bağdadda İraqın Sənaye Nazirliyinin rəhbərlərindən biri – Adel Əbdül-Mehsun əl-Lami qətlə yetirilib.

Hücum İraq paytaxtının qərbində, məmur işə yollanarkən edilib. Yaraqlılar onun avtomobilini atəşə tutublar. Avtomobildə əl-Lami ilə yanaşı, qızı və daha iki nəfər vardı. Onların hamısı həlak olub.

Həmçinin, Bağdadda 5 məktəbli qız minaatanlardan açılan atəşin qurbanı olublar.

İraqdakı ABŞ qoşunlarının komandanlığı bildirib ki, son üç gündə ölkənin müxtəlif rayonlarında 7 Amerika hərbçisi həlak olub.