Vaşinqton ölkədən Şimali Koreyaya zinət əşyalarının ixracına qadağa qoyub.
Son model musiqi pleyerləri, konyak, zərgərlik malları, dəbdəbəli avtomobillər bundan sonra Şimali Koreyaya göndərilməyəcək.
Bu tədbir ötən ilin oktyabrında nüvə silahının sınaqlarını keçirən Pxenyana qarşı BMT sanksiyaları ilə əlaqədardır.
Amerikalılar hesab edirlər ki, qadağa məhz Şimali Koreyada yuxarı təbəqənin istifadə etdiyi mallara qoyulub.
