Dünən axşam Yunanıstanın Azərbaycandakı səfirliyinin əməkdaşı Stanislav İbrahimov vəfat edib. Səfirliyə yaxın mənbələrdən «Turan»a məlum olub ki, saat 17:00-da iş yerində İbrahimovun vəziyyəti pisləşib. Təcili yardım briqadası onun hipertonik böhran keçirdiyini müəyyənləşdirib. Həkimlərin diplomatın həyatını xilas etmək cəhdləri nəticə verməyib.
Cənab İbrahimov uzun müddət səfirliyin mətbuat katibi vəzifəsini icra edib.