2005-cı il noyabrın 26-dan sonra Azərbaycan hakimiyyətinin ölkədə mitinqlərə və etiraz aksiyalarına icazə verməməsi təəssüf doğurur. Bunu yanvarın 19-da Keşlə qəsəbəsində AXCP-nin əmlakının təhvil verilməsi prosesini müşahidə edən ABŞ-ın Bakıdakı səfirliyinin demokratiya və siyasi məsələlər üzrə müşaviri Rebeka Neslund deyib. Demokratik islahatlar üçün azad toplaşma hüququnun gerçəkləşməsinin zəruri olduğunu bildirən xanım Neslund öz ölkəsinin bu məsələ ilə bağlı Azərbaycandakı prosesləri müşahidə etdiyini də bildirib: «Demokratiyada müxalifətin rolu çox əhəmiyyətlidir. Müxalifət bu məsələdə öz sözünü deməlidir. Birləşmiş Ştatlar hər yerdə olduğu kimi, Azərbaycanda da demokratik islahatları dəstəkləməyə çalışır».
«Aksiyalara icazə verilməməsi təəssüf doğurur»
Azadlıq Trend
1