Rusiya Müdafiə naziri Serqey İvanov bildirib ki, Moskva İrana «Tor-M1» hava hücumundan müdafiə kompleksləri satıb. Onun sözlərinə görə, raket qurğuları Tehrana əvvəl imzalanmış müqavilə çərçivəsində verilib. Nazir deyib ki, İrana qarşı qüvvədə olan beynəlxalq sanksiyalar müdafiə silahlarına aid deyil.
BMT sanksiyaları Tehrana nüvə istehsalı ilə bağlı material və texnologiyaların verilməsini qadağan edir. «Tor-M1» komplekslərinin satışı üzrə saziş Qərbin tənqidinə səbəb olmuşdu.