Dağlıq Qarabağda saxlanılan Azərbaycan əsgəri Eldəniz Nuriyev yanvarın 16-da əsirlikdən azad edilib. Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyası İşçi Qrupunun rəhbər müavini Eldar Səmədov «Azadlıq» radiosuna bildirib ki, Eldəniz Nuriyev Beynəlxalq Qırmızı Xaç Komitəsinin vasitəçiliyi ilə, cəbhənin Ağdam istiqamətində - Baş Qərvənd kəndində Azərbaycan tərəfə verilib.
Eldəniz Nuriyev 2006-cı il dekabrın 31-də Füzuli rayonu istiqamətində Ermənistan Silahlı Qüvvələri tərəfindən əsir götürülmüşdü.