Yanvarın 14-də Tovuz rayonunun Xatınlı kəndində 1999-cu il təvəllüdlü Naiq Həsənovun yaşadığı evdə meyiti tapılıb.
Tovuz Rayon Polis İdarəsindən «Azadlıq» radiosuna verilən məlumata görə, ilkin ekspertiza zamanı meyitin üzərində zorakılıq əlaməti aşkar edilmədiyindən Naiqin intihar etməsi ehtimal olunur. Yaxınlarının yerli televiziyaya bildirdiyinə görəsə, sabiq İraq prezidenti Səddam Hüseynin edam səhnəsinin görüntüləri yayılandan sonra ikinci sinif şagirdi Naiq valideynlərinə bu barədə çoxlu suallar verirmiş.
Hüquq-mühafizə orqanları ehtimal edirlər ki, sabiq İraq liderinin asılma səhnəsi uşağın psixologiyasına mənfi təsir edib.
