İqtisadi İnkişaf Nazirliyi yanvarın 12-dən bazarların monitorinqinə başlayıb. Nazirlik daha çox kartofun qiymətinin süni qaldırıldığını bildirir. Amma Nazirliyin mətbuat xidmətinin rəhbəri Abbas Əliyev əlavə edir ki, təkcə kartofun yox, digər ərzaq məhsullarının da qiymətində artımlar var və qiymətləri süni şəkildə artıran satıcılar cəzalandırılacaq:
«Məhsulların qiymətinin artmasına yanacağın qiymətinin qalxması təsir göstərə bilər. Lakin bazarlarda qiymət artımı gözlənilməz sürətlə baş verib. Buna görə də qiymətlərin süni qaldırılmasının qarşısı alınacaq».
Abbas Əliyev yoxlamaların seçmə üsulla bütün rayonlarda aparılacağını deyir. Monitorinqin nə vaxt başa çatacağı isə hələ ki, məlum deyil.
