«Ümid» Partiyası Tarif Şurasının son qiymət artırmalarına etiraz olaraq yanvarın 13-də keçirmək istədiyi mitinqi təxirə salıb.
Partiya sədri İqbal Ağazadə deyir ki, buna səbəb mətbuatda prezident İlham Əliyevə istinadən Tarif Şurasının qərarının yanlış olduğu və ona yenidən baxılacağı ilə bağlı yayılan məlumatlardır: «Aksiyanın buna görə təxirə saldıq. Prezidentin məzuniyyətdən qayıtmasını və məsələyə münasibət bildirməsini gözləmək qərarına gəldik».