Ümid Partiyası yanvarın 13-də hökumətin istefaya göndərilməsi, Tarif Şurasının isə qiymət artımına yenidən baxması tələbilə Bakının «Nərimanov» kinoteatrı qarşısında mitinq keçirmək niyyətindədir. Partiya artıq bununla bağlı Bakı Şəhər İcra Hakimiyyətinə müraciət edib. Ümid Partiyasının sədri İqbal Ağazadə hesab edir ki, əhalini qiymət artımı haqda bir ay əvvəldən xəbərdar etməli olan Tarif Şurası vətəndaşların hüquqlarını pozub.
Bu il yanvarın 8-də ölkədə benzinin, elektrik enerjisinin, suyun, qazın qiyməti bir neçə dəfə artırılıb.