Belarus «Drujba» kəməri ilə Rusiya neftinin Polşa, Almaniya və Ukraynaya tranzitini dayandırıb. Polşa hökumətinin verdiyi məlumata əsasən, Polşaya neft tədarükü keçən gecə tam dayandırılıb.
Rusiyanın «Transneft» şirkətinin rəhbəri Semyon Vaynştok bildirib ki, Belarus qanunsuz olaraq Qərbi Avropa üçün nəzərdə tutulan Rusiya neftini mənimsəyir.
Yaxınlarda Minsk «Qazprom»un Belarusa verdiyi qazın qiymətini artırmasına cavab olaraq Rusiya neftinin tranzitinə rüsum tətbiq edib. Moskva bu addımı qanunsuz adlandırıb.