İraqın keçmiş liderinin ögey qardaşı - Kəşfiyyat İdarəsinin sabiq rəhbəri Barzan İbrahim və İnqilab Məhkəməsinin eks başçısı Auad Hamed-əl-Bandar 80-cı illərdə şiələrin kütləvi qətliamında təqsirli bilinirlər. Ərəb telekanallarının məlumatına əsasən, onlar yanvarın 4-də asılacaqlar.
Bu məlumatı «Associated Press» və «France Press» agentliklərinə müsahibəsində İraq hökumətində adı çəkilməyən mənbə də təsdiq edib.
Lakin İraqın indiki Baş nazirin köməkçisi Sami əl-Askari bildirib ki, məhkumlar çox ehtimal ki, gələn həftə edam olunacaqlar.