Türkmənistanda seçki kampaniyası başlayıb. Namizədlər seçicilərlə bu həftə görüşlərə başlayacaqlar. Onlara dövlət radiosu və televiziyasında çıxış edib öz platformalarını açıqlamağa imkan veriləcək.
Prezidentliyə altı nəfər namizəd qeydiyyatdan keçib, onların arasında müxalifətçi yoxdur. Prezidentliyə namizədlərin hər biri sabiq dövlət başçısı Türkmənbaşının siyasətinin davam etdirəcəkləri haqqında yazılı bəyanat veriblər. Sabiq prezident Saparmurad Niyazov 2006-cı ilin dekabrın 21-də vəfat edib.
Türkmənistanda prezident seçkisi gələn ayın 11-də olacaq.