«Sərhədsiz Reportyorlar» Türkmənistanda dəyişikliyin vaxtının çatdığını bəyan edib

Parisdəki «Sərhədsiz Reportyorlar» Beynəlxalq Mətbuat Azadlığını Müdafiə Təşkilatı Türkmənistanda dəyişikliyin vaxtının gəlib çatdığını bəyan edib. Bunu qurumun Avropa bölməsindən Elsa Vidal «Azadlıq» radiosuna deyib: «Prezident Niyazov bir sıra mülki hüquqların pozuntusuna görə cavabdeh idi və o, mətbuat azadlığını pozanların siyahısında idi. Yer üzərində söz azadlığının ən pis pozulması baxımından Türkmənistan axırdan ikinci idi. Bu ölkə bölgədə və dünyada ən qapalı ölkələrdən idi».