Azərbaycan Respublikası Dövlət Neft Şirkətinin prezidenti Rövnəq Abdullayev jurnalistlərə bildirib ki, bu il qış mövsümündə Azərbaycanda əhalinin qaz təminatı sahəsində heç bir problem olmayacaq: «Bu vaxta qədər Rusiya qazının hər min kub metrinə görə 230 dollar ödəyirdik. İndi Rusiya bunun üçün 235 dollar istəyir. Hazırda danışıqlar davam edir». ARDNŞ prezidenti onu da deyib ki, «Şahdəniz» yatağından hasil olunan qazın Türkiyəyə aid payından Gürcüstana verilməsi də müzakirə olunur.